Forside » Arbeidsområder »
Vidda vinn-prosjektet i god utvikling
Tekst: Guro Lien/Torunn H. Kornstad Foto: Vinje kommune og Guro Lien
06.05.10
“Vidda Vinn” er eit av ti nasjonale hovudprosjekt i Direktoratet for Naturforvaltning sitt verdiskapingsprogram for naturarven. Dette er eit samarbeidsprosjekt mellom nasjonalparkkommunane Tinn og Vinje. I prosjektet satsar kommunane på naturvenleg tilrettelegging for sommarturistar i randområda utanfor Hardangervidda nasjonalpark, langs Hardangervidda nasjonalparkrute. Prosjektleiar Guro Lien er godt i gang med arbeidet, men vil gjerne ha fleire idéar.
Sandflofossen i Vinje
Hovudmålet for Vidda Vinn er å setje Hardangervidda nasjonalpark på kartet på ein måte som gjer at både villrein, grunneigarar og reiseliv rundt vidda vinn.
Målet vil ein nå gjennom:
• Samarbeid
• Naturvenleg tilrettelegging
• Kunnskapsrike formidlarar
• Målretta marknadsføring
Samarbeidsprosjekt
Vidda Vinn er eit samarbeidsprosjekt mellom nasjonalparkkommunane Tinn og Vinje. Telemark Fylkeskommune, Fylkesmannen i Telemark og grunneigarrepresentantar frå Tinn og Vinje sit i styringsgruppa for prosjektet. Vidda Vinn vil forsterke viktige satsingar som ny utstilling på Hardangerviddasenteret, Norsk Villreinsenter Sør, Vinje og Tinn som nasjonalparkkommunar og samarbeidet om Hardangervidda nasjonalparkrute mellom visitRjukan og Rauland Turist.
Naturvenleg tilrettelegging for sommarbruk
Vidda Vinn satsar på naturvenleg tilrettelegging for sommarturistar i randområda utanfor Hardangervidda nasjonalpark, ved lokale ”kassaapparat” langs Hardangervidda nasjonalparkrute. Ruta skal bli ein opplevingsveg for utanlandske og norske bilturistar, med natur- og kulturstigar, utsikts- og informasjonspunkt, og guida turar undervegs. Opplevingsvegen skal gå frå Tessungdalen via Tinn Austbygd, Rjukan og Skinnarbu i Tinn, til Rauland, Arabygdi, Haukeli og Vågslid i Vinje.
Dei fyrste tilretteleggingspunkta er:
• Kalhovd, Tinn
• Krossobanen, Tinn
• Skinnarbu, Tinn
• Mogen, Vinje
• Rauland, Vinje
• Vågslid, Vinje
Kunnskapsrike formidlarar
Vidda Vinn skal, ved å arrangere idédugnadar og kurs i formidling, språk og kultur- og naturkunnskap for lokale guidespirer og aktivitetsselskap i regionen, utvikle kunnskapsrike formidlarar.
Målretta marknadsføring
Prosjektleiinga skal undersøke interessa for ei felles nettside om Hardangervidda, og om turen rundt. Nettsida skal fungere som målretta marknadsføring for å lokke fleire turistar til randområda rundt Hardangervidda, og kanalisere dei til lite sårbare område med stort potensial for lokal verdiskaping.
Du kan lesa meir om prosjektet her. Du kan også finna Vidda Vinn og Hardangervidda Nasjonalpark på Facebook.
Har du idear? Ta kontakt!
Prosjektleiar Guro Lien, tlf. 957 46 681
Prosjektansvarleg Toril Nicolaisen , tlf. 952 12 925
Prosjektleiar Guro Lien
Også to andre av naturarvsprosjekta har basis i fjellregionane. Du kan lesa meir om prosjekta her.
Utviklet av Godt Sagt Kommunikasjon | Webredaktører: Torunn H. Kornstad og Ann Marit Holumsnes